Kenya ayu kang menganggo busana adat
Bali iki, mentas wae dinobatake minangka duta Lalulintas ing pemilihan Duta
Pariwisata Kakang Mbakyu Tulungagung 2010. Pancen, sejatine ing Pemilihan Duta
Pariwisata Kakang Mbakyu tulungagung 2010kang nggayuh dadi juara 1 kakang
yakuwi Mohammad Syaiful Anwar siswa kelas 12 MAN 2 Tulungagung lan juara 1
Mbakyu Anita wahyu Puspitasari siswa kelas 12 SMNI kedungwaru Tulungagung.
Sauntara kuwi Ivory dhewe ngregem
juara 1 ing kategori Penampilan Terbaik Wanita. Kejaba kuwi uga kepilih Duta
Lalulintas kang ing pemilihan pemilihan kakang-mbakyu sadurunge durung nate
diadani. Samengko tugase Ivory kampanye “berlalulintas” kanthi aturan kang
bener. Nisa uga ing dina – dina tartamtu kang ana gegayutane karo lalulintas
dheweke bakal didhapuk minangka duta kampanye simpatik nindakake lalulintas lan
langsung terjun ing lapangan menehi penyuluhan.
Kanggo patuladhan menyang kanca – kancane kang isih remaja yang anggone nindakake lalulintas sok edan – edanan ngana kae, wiwit saiki dheweke kudu nyontoni kang bener. Tuladhane, ora nganggo montor protholan kaya cah Sakenak – enake kae. Senajan awan lampune ngarep ya dipadangi. Menehi penyuluhan lalulintas kang becik lan pener marang adhi – adhi kelase lan kanca – kanca rakete.
Bali ing bab pemilihan kakang-mbakyu
Tulungagung. Saka atusan peserta kang dhaftar ing Pemiiihan Duta Wisata
Kakang-Mbakyu Tulungagung 2010, wusanan kajupuk 20 peserta (10 pasangan) kang
mlebu final. Finalis kang 20 mau wusana dikarantina, ing Wonorejo Resort
saperlu diadani piwulang. Piwulangan kasebut ing pamrih menehi sangu kanggo
calon – calon duta pariwisata supaya prigel lan wasis ing bab mromosekake
papan wisata Tulungagung. Bab – bab kang
diwulangake kejaba theg-kliwere papan wisata Tulungagung, panganan khas,
industry lan seni budaya, uga tata cara nampa tamu, solah bawa(public
speaking), etika ing bebrayan, tata rakit pasugatan (table maner), sarta
pengetauan umum liyane. Cetha, pandadaran kang mengkono mau akeh manpangat lan
pigunane tumrape remaja saiki kang wis dha ra ngerti tatakrama maneh. Bab kuwi
uga diakoni Ivory migunani banget tumrap dheweke kanggo sangu ing bebrayan
samengko.
Dinane iki Ivory isih meguru kawruh ing
SMKN 2 tulungagung kelas 12 jurusan tata busana. Senajan kawit cilik mula Kenya
iki wis seneng ing donyane modeling, ananging cita – citane malah kepengin dadi
guru bahasa inggris. Lho, lha ngapa ora njeguri fashion lan modeling wae kang
wis cetha diguleti wiwit bocah?
Kanchane Ivory, modeling karepe mung
kanggo samben wae. Wondene ing tembe karire ing
model bisa moncer lan ngumbulake jenenge, bab kuwi ora dadi ngapa. Awit
gegayuhan nalika isih enom karo kasunyatane mbesuk sok – sok slewah. Kanggo
njagani kang mangkono kuwi dening bapake Ivory, ir. Supriyadi, dheweke
dikursusake basa inggris lan biola. Embuh, mbesuk ilmu endi sing digawe, sing
cetha bapak lan ibune wis nyangoni Ivory ilmu.
Sejatine
ing babagan modeling kabisane Ivory iki klaebu otodidak. Bapake kajaba pegawe
ing dinas pertanian Jatim uga pengusaha alat – alat pertanian lan ibune, ibu
rumah tangga wae, ora ana trah modeling. Sok ngonoa prestasine Ivory ing
modeling kalebu onjo. Durung suwe kae Ivory nggayuh juara 1 tingkat Jatim ing
fashion show kang diadhani ing rerangken dina lingkunga hidup kang manggon ing
Selorejo. Saengga sandhang panganggone Ivory nalika kuwi ya mawa bahan maneka
barang bekas. Lha wong temane nalika kuwi pemanfaatan limbah. Mengkono critane
kang dedege 169 cm lan bobote 49 kg kuwi.
Banjur dhek dina setu 30 Oktober 2010 kepungkur
kae, manggon ing ngarep kantor DPRD Kabupaten Tulungagung, Ivory juara 1 lomba
busana adat. Adicara kuwi kanggo mengeti dina sumpah pemuda. Ivory nalika kuwi
menganggo busana dhaerah Bali. Yen nitik saka prestasine ing babagan fashion
kang mengkono mau mula ora nggumunake ye Ivory bisa nggayuh juara kategori
Penampilan Terbaik ing Kakang-Mbakyu Tulungagung. Salam katur para maos PS
sedaya.
Panjebar Semangat
Tidak ada komentar:
Posting Komentar